* * * * 

მე მაისის წვიმა მზრდის და 
თეთრი ვარდის სუნი მათრობს,
წვიმა ისევ ლექსად ცრის და 
თოვლიც ხეებს ლექსად ათოვს...

გაზაფხულის დილა მათრობს
და ზაფხულის მწვავე კოცნა,
ზამთრის ცივი გამოხედვა,
შემოდგომის ოხვრით ლოცვა.

მე აგვისტოს მზე მიღიმის
და ხელს მიქნევს ლურჯი ზეცა,
ოცნებების კონა მოჰქრის
ჩემთან ისევ ლექსად...ლექსად...

მე წანწკარა წვიმა მზრდის და
ყვავილების ეშხი მათრობს,
წვიმა ისევ ლექსად ცრის და
თოვლიც ხეებს ლექსად ათოვს.